Thursday, April 11, 2013

ചിപ്പിയാണു ഞാന്‍


ആഴിക്കടിയിലെ ചിപ്പിയാണു ഞാന്‍
ആശിച്ചു നിനക്കൊരു സമ്മാനം നല്‍കാന്‍
അറ തുറന്നതിലെന്റെ കണ്ണുനീര്‍ വീഴ്‌ത്തി
ഇമയടച്ചിരുന്നൊരു പവിഴം തീര്‍ത്തു.

ഒരുപിടി കളിമണ്ണാണെങ്കിലും ഞാന്‍
നിനക്കായൊരു കളി പാത്രമാകാം
കാഴ്‌ചയിലൊരു ശില പോലെയണെങ്കിലും
കൌതുകമുള്ളൊരുശില്‍പമാകാം

ഞാനൊരു പാഴ്‌മുളം തണ്ടാണെങ്കിലും
നിനക്കായൊരോടക്കുഴലായിടാം
മുള്‍മുനയാണെന്റെ മേനിയിലെങ്കിലും
മലരൊന്ന്‌ നിനക്കായ്‌ വിരിയിച്ചിടാം

കണ്‍കളില്‍ കര്‍പൂരക്കാഴ്‌ചയാകാനായ്‌
കത്തിയെരിയുന്ന ദീപമാകാം
ബാഷ്‌പകണങ്ങളാല്‍ മഴവില്ല്‌ തീര്‍ത്ത്‌
ഹര്‍ഷ പുളകിതനാക്കിടാം  ഞാന്‍